„Virðing er ekki mæld í krónum“ : skapandi hópverkefni

Greinagerð þessi er hluti af lokaverkefni til B.Ed prófs við Kennaradeild Háskóla Íslands. Hér verður fjallað um skapandi hópverkefni sem er ein tveggja leiða til lokaverkefnis í kennaradeild. Þema verkefnisins er virðing fyrir kennarastarfinu sem valin var af nemendum. Virðing fyrir kennarastarfinu á Íslandi hefur tekið stakkaskiptum og er umfjöllun á frétta- og samfélagsmiðlum oft á tíðum á neikvæðu nótunum. Markmiðið með verkefninu er að sýna á myndrænan hátt það sem haft hefur áhrif á virðingu fyrir kennarastarfinu á Íslandi. Notaðar voru heimildir sem greina frá kjaramálum kennara, launakjörum, kynjahlutfalli og samfélagslegum aðstæðum við umfjöllun kennarastarfsins í fjölmiðlum og almenna umræðu, auk þess sem tekin voru viðtöl. Allar heimildir og gögn voru sett inn á opna rafræna tímalínu þar sem auðvelt er að nálgast upplýsingarnar